Թխվածք Պրեստիժ
Բաղադրությունը
- Խմոր`
- 6 հատ ձու
- 18 ճգ. շաքարավազ,
- 18ճգ. ալյուր
- 12 ճգ. ջուր
- 1 թգ. սոդա
- 2 ճգ. կակաո:
- Կրեմ
- 100 գր. սև սալոր
- 100 գր ընկույզ
- մի քիչ կոնյակ
- 500 մլ կաթ
- 5 ճգ. ալյուր
- 250 գր կարագ
- 200 գր շաքարի փոշի,
- կակաո:
- Զարդարել`
- մանրացված ընկույզ
- մանրացված խմոր
- սպիտակ և սև շոկոլադ:
Պատրաստման եղանակը
Քայլ 1
Խմորի համար ձվի սպիտակուցը առանձնացնել դեղնուցից: Դեղնուցը հարել շաքարավազի հետ, այնուհետև քիչ- քիչ ավելացնել ջուրը: Լավ հարելուց հետո ավելացնել ալյուրը, սոդան և կակաոն: Ձվի սպիտակուցը առանձին լավ հարել և ավելացնել վերոնշյալ խմորին, լավ խառնել: Տարայի մեջ կալկա դնել, խմորը լցնել մեջը և եփել 200 աստիճան ջերմաստիճանում 30-35 րոպե: Սառչելուց հետո բաժանել 3 մասի: Խմորների վրա կոնյակ ցանել:
Քայլ 2
Եփել կրեմը, շաքարի փոշին և ալյուրը խառնել իրար, ավելացնել կաթը և լավ հարել, որպեսզի գնդիկներ չառաջանան: Հետո դնել կրակին և եփել մարմանդ կրակի տակ, մինչև կրեմը թանձրանա /անընդհատ խառնել/: Կարագը հարիչով լավ հարել, քիչ քիչ ավելացնել սառեցված եփած կրեմը և շարունակել հարելը:
Քայլ 3
Կրեմը բաժանել 3 մասի: Մի մասը թողնել այդպես սպիտակ, իսկ մյուս երկուսի վրա ավելացնել կակաոն և խառնել: Առաջին խմորի վրա քսել շոկոլադե կերմը, վրան ընկույզ շաղ տալ, դնել երկրորդ խմորը, վրան քսել սպիտակ կրեմը և կտրատված սալորաչիր շարել, դնել երրորդ խմորը կրկին շոկոլդե կրեմ քսել, ընկույզ շաղ տալ:
Քայլ 4
Վերջում զարդարել մանրացված ընկույզով,մանրացված խմորով, սպիտակ և սև շոկոլադով:
Մեկնաբանություններ
Շատ համեղ էր: