Թխվածք Կանացի Համառություն
Բաղադրությունը
- Խմորի համար`
- 2 հատ ձու,
- 200 գր. շաքարավազ,
- 70 գր. կարագ,
- 2 ճգ. մեղր,
- 1 թգ. սոդա,
- 3 ճգ. կակաո,
- ըստ անհրաժեշտության ալյուր:
- Կրեմի համար`
- 2 հատ ձու,
- 2 ճգ. ալյուր,
- 1 բաժակ շաքարավազ,
- 100-150 գր. կարագ,
- 1 ճգ. կակաո,
- 2 բաժակ կաթ,
- վանիլի փոշի,
- 100 գր. ընկույզ:
- Գլազուրի համար`
- շոկոլադ,
- 30 գր. կարագ
Պատրաստման եղանակը
Քայլ 1
Կրեմի համար կաթը, ձուն, շաքարավազը և ալյուրը հարել: Այնուհետև դնել մարմանդ կրակի վրա և եփել այնքան մինչև կրեմը կխտանա, անհրաժեշտ է եփելու ընթացքում անընդհատ խառնել: Այս զանգվածին ավելացնել կակաոն, վանիլի փոշին և լավ խառնել, հետո թողնել, որ սառչի: Սառչելուց հետո ավելացնել ընկուզը և քերիչով անցկացված կարագը և լավ խառնել:
Քայլ 2
Խմորի համար ձուն, մեղրը, շաքարավազը, կարագը և սոդան լցնել կաթսայի մեջ և հարել: Այնուհետև կաթսան դնել գոլորշու վրա և անընդհատ խառնել գրեթե 5 րոպե: Ավարտելուց հետո վերցնել գոլորշու վրայից, ավելացնել կակաոն և լավ խառնել: Այս զանգվածի վրա ավելացնել քիչ քիչ ալյուր այնքան, մինչև ստացվի պինդ խմոր, որը հնարավոր կլինի գրտնակով բացել: Խմորը բաժանել 8 մասի, յուրաքանչյուրը գրտնակել և եփել ջեռոցում 180 աստիճան ջերմաստիճանում 3-7 րոպե:
Քայլ 3
Գլազուրի համար շոկոլադը մարմանդ կրակի վրա հալեցնել և ավելացնել կարագը:
Քայլ 4
Յուրաքանչյուր խմորի վրա կրեմ տարածել, իսկ վերջում թխվածքի վրա տարածել գլազուրը:
Քայլ 5
Բաղադրատոմսը վերցված է այս կայքից http://forum.say7.info/topic31882.html
Մեկնաբանություններ
շատ լավնա երևում, անպայման հեսա պիտի փորձեմ :) !!
Ես պատրաստեցի, բայց գրտնակել չստացվեց, խմորը անջատվում էր իրարից: Մի խոսքով բավականին բարկացնող թխվածք էր, կանացի համառությունս էլ չօգնեց գլուխ հանելու, վերջը նետեցի աղբը այս խմորի կես բաժինը :Չ. Նախքան պատրաստելը այս թխվածքը, պետք է պատրաստվել հոգեպես :ՃՃ
Շատ հետաքրքիր են Ձեր բաղադրատոմսերը, հաճախ պատրաստում եմ և շատ գոհ եմ: Սակայն կուզենայի վիդեոներ ևս լինեին:
Շատ համեղ էր,մենք արդեն պատրաստել ենք,միայն պետք է նշել հստակ մթերքի չափը,օրինակ որքան ալյուր և որքան շոկոլադ:Գլազուրը պատրաստել ենք այսպես `5ճաշի գդալ թթվասեր,3ճ/գ կակաո,6ճ/գ շաքարավազ,վանիլին,50գ.կարագ