Փափուկ բուլկի (hokkaido)
Բաղադրությունը
- 340 գր հացի ալյուր (մի 10 գր ավել,եթե պետք լինի)
- 1 ձու
- 85 գր շաքարավազ
- 5 գր աղ
- 30 գր կաթի փոշի
- 30 գր թարմ կաթ
- 50 գր թանձր թթվասեր
- 30 գր կարագ
- 7 գր չոր դրոժ
- 120 գր roix(պատրաստելու ձևը հիմա կբացատրեմ)
- ձու և սեզամի սերմեր՝ վրան քսելու համար(կարող եք միայն ձու քսել)
Պատրաստման եղանակը
Քայլ 1
Այս բաղադրատոմսը ճապոնական ծագում ունի,պատահաբար եմ գտել արտասահմանյան կայքերում, և փորձելուց հետո դարձել է իմ ամենասիրած բաղադրատոմսերից մեկը: Շատ փափուկ ու նուրբ է ստացվում, էլաստիկ միջուկով,երկար կարող եք պահել,չի չորանում: Աշխատեք չփոխել բաղադրատոմսի չափերը և հաջող կստացվեն:
Քայլ 2
Սկզբում պատրաստում ենք roix-ը (չգիտեմ հայերեն ինչպես է թարգմանվում, բայց սրա շնորհիվ ե բուլկին այսքան էլաստիկ ու փափուկ)
Քայլ 3
125 գր ջուր, լավ խառնում ենք 25 գր ալյուրի հետ և դնում ցածր կրակին, անընհատ խառնելով, մինչև հասնի 65 ºC: Ես, քանի որ ջերմաչափ չունեմ, աչքաչափով եմ վերցնում, պետք է ուղղակի դառնա կիսաթանձր հեղուկ՝նկարի նման, շատ չպնդացնեք: Սա դնում ենք մի կողմ, ծածում ցելոֆանով, մինչև դառնա սենյակի ջերմաստիճանի:
Քայլ 4
Մինչ այդ, մնացած բոլոր նյութերը, բացի կարագից, խառնում ենք իրար, ավելացնում մեր պատրաստած roix-ը, վերջում գցում ենք կարագը, դառնում է էլաստիկ, կպչուկ խմոր: Թողնում ենք հասունանա 1 ժամ, բաժանում ենք 40 գրամանոց կտորների, մեր ուզած ձևն ենք տալիս, ձու քսում, զարդարում, նորից թողնում, որ հասունանան 1 ժամի չափով և թխում 185-190 ºC-ի ջեռոցում, մինչև կարմրեն:
Մեկնաբանություններ
Շատ շնորհակալություն հիանալի բաղադրատոմսի համար: Շատ շատ համով է:
Այդ roix-ը հացագործներն էլ են պատրաստում հացի երեսին քսելու համար և կոչվում է այն գուլամաշ:
Շատ լավն էր
շատ շնորհակալ եմ հիանալի բաղադրատոմսի համար
Շատ համեղ էր:
Շատ հեշտ և շատ համեղ է, մերսի
Բաղադրատոմսը շատ խնամքով ու սիրով է գրված: Շնորհակալություն: Այսօր անպայման թխելու եմ: