Լազանյա
Բաղադրությունը
- 9 պատրաստի Լազանյայի լիստեր
- 1կգ տավարի միս
- 5միջին գազար
- 4 մեծ լոլիկ
- 4 միջին գլուխ սոխ
- 5 հատիկ սխտոր
- 1լ կաթ
- 100գ կարագ
- 70գ ալյուր
- 300գ լոռի պանիր
- 2ճ.գ. ձեթ
- աղ, պղպեղ
Պատրաստման եղանակը
Քայլ 1
Առաջին հերթին միսը աղացի իմ էլեկտրական աղացով, որն ինձ համար փրկություն է /ես չեմ հավանում խանութների պատրաստի աղացած մսերը/, լոռի պանիրը դրեցի ջրի մեջ, քանի որ մեր պանիրները աղի են , որ պանրի աղը չխանգարի ինձ, իմ սուպեռ քերիչով մանրացրեցի ողջ գազարը, հետո սոխն ու երկու հատիկ սխտորները մանր կտրատեցի ու ձեթով տապակեցի,
Քայլ 2
երբ մի թեթև տապակվեց ավելացրեցի գազարը ու 3-4 րոպե թողեցի կրակին, այնուհետև ավելացրեցի միսը, աղն ու պղպեղը, մինչ միսը կեփվեր քերիչով նախորդ ուտեստի նման լոլիկներն անցկացրեցի քերիչով ու ավելացրեցի մսին, մոտ 15 րոպեից մեր խճողակն արդեն պատրաստ էր,իսկ այդ 15 րոպեի ընթացքում պատրաստվեց Բեշամել սոուսը/ոնց որ թուրքերեն կամ քրդերեն հնչի չէ?/:
Քայլ 3
կրակին դրված թավայի մեջ լցրեցի կարագը և երբ այն հալվեց ավելացրեցի մնացած ալյուրը ու լավ խառնեցի, մոտ 1 րոպե խառնելուց հետո ավելացրեցի ողջ կաթը ու երբեմն խառնելով թողեցի կրակին մինչև եռալն ու պնդանալը, այնքան է պնդանում, որ դառնում է թթվասերից մի փոքր ջրիկ զանգված, ավելացրեցի մնացած մեկ հատիկ ճզմած սխտորն ու կրակից վերցրեցի:Այնուհետև ամբողջ պանիրը քերիչով անցկացրեցի ու դրեցի մի կողմ:
Քայլ 4
Լազանյայի շերտերն ինձ շատ չոր թվացին ու դրա համար էլ ես դրանք հատիկ-հատիկ գցեցի եռացող ջրի մեջ, մի րոպեի չափով թողեցի ջրում և հանելով սկսեցի շարել իմ ջեռոցի թավայի մեջ, իմ թավան մեծ էր իմ պորցիայի համար և ես 2/3 մասը օգտագործեցի, 3 լազանյայի շերտ վրան լցրեցի մսով խյուսի կեսը, խյուսի վրա լցրեցի Բեշամել սոուսի 1/3-րդը ու վրան լցրեցի քերած պանրի կեսը, հետո նորից շարեցի վրան Լազանյայի 3 շերտեր,ու նորից մսի մնացած խյուսը,Բեշամելի կեսը ու պանիրը նույն հաջորդականությամբ լցրեցի վրան, նորից շարեցի շերտերը ու դրանց վրա քսեցի սոուսի մնացածը տորթի կրեմի նման ու դրեցի արդեն տաքացրած ջեռոցը 35 րոպե 180 աստիճանի տակ: Դրանից հետո կտրատեցի ու մատուցեցի մեզ...Բարի Ախորժակ
Մեկնաբանություններ
Դեռ հրապարակված մեկնաբանություն չկա։ Կարող եք թողնել առաջինը։