Նարնջային էտյուդ
Բաղադրությունը
- Անհրաժեշտ բաղադրիչներն են`
- Խմոր
- ձու- 2 հատ
- շաքարավազ` 5 ճ.գ.
- կարագ` 100գ,
- խմորի փխրեցուցիչ` 1 թ.գ.
- նարնջի կեղև` 1 հատ
- ալյուր` 3 բաժակ
- Կրեմ
- շոկոլադ` 1 սալիկ / ցանկալի է դառը/
- խտացրած կաթ` 1 հատ
- կարագ` 200 գ.
- Խմորը ցողելու համար
- 2 նարնջի հյութ
- շաքարավազ` 2 ճ.գ.
- 1 նարնջի կեղև
- Գլազուր
- շոկոլադ` 1 սալիկ
- կարագ 50 գ,
Պատրաստման եղանակը
Քայլ 1
Պատրաստման եղանակը
Քայլ 2
Նարինջներից մեկի կեղևից զգուշորեն բարակ շերտեր առանձնացնել, իսկ մյուս նարնջի կեղևը քերիչով քերել: Նարինջների հյութը քամել, շաքարավազ ավելացնել և կեղևի շերտերը լցնել հյութի մեջ: Դնել գազօջախին, հասցնել եռման աստիճանի և թողնել ևս 10 րոպե` թույլ կրակի վրա: Վերցնել գազօջախի վրայից, հյութը քամել, իսկ կեղևի շերտերը դնել յուղաթղթի վրա, որպեսզի չորանան: Այս նարինջի հյութը օգտագործվում է տորթի շերտերը ցողելու համար:
Քայլ 3
Խմոր
Քայլ 4
Հալեցրած կարագը, ձվերը, շաքարավազը, փխրեցուցիչը, և նախապես քերված նարնջի կեղևը լավ հարել: Ալյուր ավելացնել և խմոր հունցել` վրան թեթևակի ալյուր ցանելով:Այն պետք է շատ փափուկ լինի:
Քայլ 5
Ստացված խմորը 1 ժամ պահել սառնարանում:
Քայլ 6
Կրեմ
Քայլ 7
Շոկոլադի սալիկը հալեցնել գոլորշու վրա:Սառեցնելուց հետո, երբ պնդանա, կարագ ավելացնել և հարել: Այնուհետև խտացրած կաթ լցնել և 10 րոպե հարել` մեծ արագության տակ:
Քայլ 8
Կրեմը պահել սառնարանում, իսկ սառած խմորը վերցնել և 4 մասի բաժանել:
Քայլ 9
Յուրաքանչյուր խմորի գունդ բացել հավասարաչափ և բարակ, թղթով ափսեի վրա: Խմորի ավելորդ մասերը կտրատելուց հետո` յուղաթղթով խմորը դնել կաղապարի մեջ:Ջեռոցը տաքացնել 180 աստիճան և 10 րոպե թխել:
Քայլ 10
Խմորի ավելացած կտորներով ևս մի գունդ պատրաստել և թխել:
Քայլ 11
Կստացվի թխված 5 շերտ: Շերտերը սառեցնել, առաջին շերտը սկուտեղի վրա դնել և նարնջի պատրաստված խյուսով պատել:Այնուհետև կրեմ քսել և այս գործողությունը կրկնել բոլոր շերտերի հետ:
Քայլ 12
Պատրաստի խմորեղենի եզրերը կրեմով պատել և ամբողջ գիշեր պահել սառնարանում:
Քայլ 13
Գլազուր
Քայլ 14
Շոկոլադի սալիկը և 50գ կարագը հալեցնել գոլորշու վրա, խառնել, լցնել տորթի վրա և նարնջի կեղևի շերտերով զարդարել:
Մեկնաբանություններ
Դեռ հրապարակված մեկնաբանություն չկա։ Կարող եք թողնել առաջինը։