Ելակով Էկլեր
Բաղադրությունը
- Խմոր:
- 1 բաժակ ջուր
- 125 գր.կարագ
- աղ ըստ ճաշակի
- 4-5 ձու
- 1 բաժակ ալյուր:
- Միջուկ:
- 500 մլ. սերուցք
- 4 ճգ. շաքարի փոշի
- 300-400գր. ելակ
- վանիլի փոշի:
- Գլազուր:
- սև շոկոլադ:
Պատրաստման եղանակը
Քայլ 1
Խմորի պատրաստման համար ջուրը լցնել կաթսայի մեջ, ապա ավելացնել կարագն ու աղը և դնել կրակին: Երբ ջուրը կեռա, ավելացնել ալյուրը, կրակը մեղմացնել և այդպես խառնել երկու երեք րոպե: Ապա վերցնել կրակից, թողնել մեկ երկու րոպե սառչի, իսկ հետո հատ-հատ ավելացնել ձուն, ամեն ավելացնելուց զանգվածը խառնել: Հետո ջեռոցամանը կարագով պատել, և խմորը հերթականությամբ լցնել տակդիրի մեջ, իրարից որոշակի հեռավորությամբ: Ջեռոցը նախապես տաքացնել 15-20 րոպե բարձր ջերմաստիճանի տակ, ապա դնել խմորները, և իջացնել ջերմաստիճանը: Երբ պատրաստ կլինեն էկլերները դուրս հանել ջեռոցից:
Քայլ 2
Կրեմի պատրաստման համար յուղային սերուցքը հարել շաքարի փոշու և վանիլի փոշու հետ միասին: Ապա ավելացնել ելակը, նորից հարել մի քանի րոպե:
Քայլ 3
Գլազուրի պատրաստման համար շոկոլադը հալեցնել գոլորշու վրա:
Քայլ 4
Էկլերը մեջ լցնել կրեմը, ապա գլազուր անել և զարդարել թարմ ելակով:
Մեկնաբանություններ
Շատ ախորժալի տեսք ունի