Թխվածք Կապուչինո
Բաղադրությունը
- Խմոր՝
- 5 ձու
- 1.5 բաժակ շաքարավազ
- 5ճգ. ձեթ
- 1թգ սոդա
- 3ճգ մեղր
- 2ճգ կակաո
- 2-2.5 բաժակ ալյուր
- Կրեմ՝
- 200 գր. կարագ
- 1 տուփ եփած խտացրած կաթ
- Եփած Կրեմ՝
- 0,5 բաժակ կաթ
- կես բաժակ շաքարավազ
- 1 ճգ ալյուր:
Պատրաստման եղանակը
Քայլ 1
Խմորի պատրաստման համար ձուն, շաքարավազը, ձեթը, մեղրը միասին խառնել և դնել ջրի գոլորշու վրա, ընթացքում հաճախ խառնել: Ապա ավելացնել սոդա, լավ խառնելուց հետո ավելացնել նաև կակաոն և ալյուրը: Խմորը պետք է լինի թթվասերի խտությամբ: Խմորը բաժանել 4 մասին, յուրաքանչյուրը առանձին-առանձին թխել ջեռոցում, 180 աստիճան ջերմաստիճանում:
Քայլ 2
Եփած կրեմ պատրաստելու համար, բոլոր բաղադրիչները միասին խառնել և եփել շատ մարմանդ կրակի վրա, ընթացքում անընդհատ խառնել կրեմը: Եփելուց հետո թողնել, որ սառչի:
Քայլ 3
2րդ կրեմի պատրաստման համար կարագը լավ հարել, քիչ-քիչ ավելացնել եփած խտացրած կաթը: Երբ այս կրեմը կլինի պատրաստ վրան աստիճանաբար ավելացնել նաև եփած կրեմը և հարել հարիչով:
Քայլ 4
Խմորի լիստերը իրար միացնել կրեմով և զարդարել քերված շոկոլադով:
Մեկնաբանություններ
Ես չեմ հասկանում, եթե գրում են թող ավարտին հասցնեն ու ճիշտ գրեն բաղադրատոմսը, որպեսզի ճիշտ պատրաստվի։
Ես էլ ավելացնեմ, որ նենց չի, որ կակաոյով խմոր չի լինում, նենց որ անիմաստ բաներ մի գրեք, սուտի գիտունիկներ... Վանիլինն էլ մոռացել եք կրեմի մեջ ավելացնել:
Թերի է, եթե չգիտեք ամօթ չէ հարցրեք, կակո չեն լցնում խմորի մեջ, այլ լուծվող սուրճ:
Խոսքեր չկան, բայց լավ կլիներ շատացնեիք բաղադրատոմսերը: