Հավը ճապոնական ձևով
Բաղադրությունը
- 1,5 կգ հավի կրծքամիս
- 2 գազար միջին չափսի
- 1 կարմիր կամ դեղին պղպեղ
- 1 գլուխ սոխ
- 100 գր. հնդկական ընկույզ
- սոյայի սոուս
- քացախ
- աղ
- բիբար
Պատրաստման եղանակը
Քայլ 1
Հավի կրծքամիսը կտրատել տափակ կտորներով, մարինացնել քացախի մեջ աղով և բիբարով: Տապակել արևածաղկի ձեթի վրա մինչև սպիտակ գույն ստանալը, չթողնել, որ կարմրի, և դնել մի կողմ: Տապակել մանր կտրատած սոխը, գազարն ու բիբարը: Այնուհետև կիսապատրաստ հավի միսը կտրատել խորանարթներով և ավելացնել նույն թավայի մեջ: Ավելացնել սոյայի սոուսը ըստ ճաշակի (ամենամատչելի սոուսը Heinz ապրանքատեսակինն է, այն շատ աղի չէ, եթե օգտագործում եք ավելի թանկ սոուս, զգույշ եղեք, որ շատ աղի չստացվի):
Քայլ 2
Երբ հավը պատրաստ կլինի, ավելացրեք ընկույզը: Ցանկության դեպքում կարե;ի է ավելացնել նաև իմբիր:
Մեկնաբանություններ
Շատ լավ է ստացվում, եթե ավելացնենք նաև գազար և բարակ լոբի, նաև մի քիչ կարրի (curry).
Շաաաաաաաաը համող էր. Շնորհակալություն!!!!!!!!