Տորթի ձևավորում

Շատ հեշտ է և գեղեցիկ է ստացվում: Ընդամենը պետք է շոկոլադի սալիկ և յուղաթուղթ: Յուղաթղթից շերտ ենք կտրում՝երկարությունը պետք է համապատասխանի տորթի տրամագծին, իսկ բարձրությունը՝տորթի բարձրությունից մի քիչ ավել: Յուղաթղթի վրա մատիտով մեր ուզած մոտիվներն ենք նկարում, օրինակ՝իրար կպած եռանկյունիներ, այնքան էլ պարտադիր չէ, որ շատ համաչափ լինեն:

Շոկոլադը հալեցնում ենք՝կաթսայի մեջ ջուր ենք լցնում, երբ սկսում է եռալ, կրակն իջեցնում ենք և վրան դնում մի ուրիշ, ավելի փոքր կաթսայի մեջ դրված շոկոլադը: Հալեցնում ենք անընդհատ խառնելով, որովհետև շատ շուտ է վառվում և համը փոխվում է: Հիշեք, որ երբեք չի կարելի հալեցնել կաթսան անմիջապես գազին դնելով:

Հալված շոկոլադը լցնում ենք շպրիցի մեջ և մեր նկարած մոտիվների վրա տարածում: Զգուշությամբ յուղաթուղթը կպցնում ենք տորթի կողքերին և դնում սառնարանում: Մի քանի ժամից կարող եք հեռացնել թուղթը, երբ շոկոլադը լավ սառած ու տորթին կպած լինի: