Փոքրիկ Կեքսեր
Բաղադրությունը
- 3 ձու
- 100 գր փափկած կարագ
- կակաո ըստ ճաշակի
- 1 թ գդ սոդա
- 1 բաժակ կաթ
- 2 բաժակ ալյուր
Պատրաստման եղանակը
Քայլ 1
Ձուն լավ խառնել, ավելացնել կարագը, կաթը, սոդան և ալյուրը: Ստացվում է թույլ խմոր: Գդալով լցնել թղթե փոքրիկ կաղապարների մեջ, մինչև կաղապարների կեսը:Թխել 175º-ի տակ, գրեթե10-15 րոպե: Շատ պետք չի, որ բարձրանան, վերևի մասն ինչքան հարթ մնա, այնքան լավ, որ կարողանանք գեղեցիկ ձևավորել:Եթե ուզում ենք իմանալ թխվել են արդեն, թե ոչ, ջեռոցը բացում ենք, լուցկու հատիկով ծակում ենք կեքսերից մեկը: Եթե լուցկու հատիկն չոր է մնում, ուրեմն արդեն հանելու ժամանակն է: Թողնում ենք սառչեն ու ձևավորում ենք ըստ ճաշակի: Ես օգտագործել եմ Royal Icing: Եթե ինչ որ մեկին հետաքրքիր է, թե ինչպես է պատրաստվում, պատրաստման ձևը սիրով կտամ:
Մեկնաբանություններ
Royal Icing -ձվի սպիտակուցը խառնում ենք շաքարի փոշու հետ,մի քիչ լիմոնի հյութ կարելի է ավելացնել,գույներ,կակաո,եթե գույն չկա՝գազարի հյութ,մորու,ելակի,,,,:Միայն ձուն թարմ պիտի լինի,խմորեղենն աշխատեք մի շաբաթից ավել չպահել:
խնդրում եմ կասեք ինչպես է պատրաստվում