Նարնջի Ժելլե Շոկոլադե Մուսով
Բաղադրությունը
- 150մլ թարմ քամած նարնջի հյութ (երկու նարինջը բավական է),
- 1,5ճգ շաքարավազ
- 10գր ժելատին
- 100գր կաթնային շոկոլադ
- 250մլ յուղային սերուցք:
Պատրաստման եղանակը
Քայլ 1
Նարնջի հյութը և շաքարավազը միասին դնել գազօջախին, եփել մինչև եռալը: Ժելատինը հալեցնել գոլորշու վրա, ապա ավելացնել տաք նարնջի հյութին: Հետո թողնել մի քիչ սառչի և լցնել բաժակների մեջ: Լավ սառչելուց հետո դնել սառնարանում երկու ժամ:
Քայլ 2
Շոկոլադե մուսը պատրաստելու համար շոկոլադը մանրացնել և հալեցնել գոլորշու վրա: Սերուցքը լավ հարել, վրան ավելացնել շոկոլադը և լավ խառնել: Մուսը ավելցանել բաժակների մեջ, ապա կրկին դնել սառչելու երեք ժամ: Մատուցելիս մի քանի րոպե պահել տնային ջերմաստիճանում, ապա մատուցել: Զարդարել քերված շոկոլադով:
Մեկնաբանություններ
Դեռ հրապարակված մեկնաբանություն չկա։ Կարող եք թողնել առաջինը։