Սուրճով, Սերուցքով Անուշեղեն
Բաղադրությունը
- 500 մլ. սերուցք
- 200 մլ կաթ
- 200 մլ. եփած սառը սուրճ
- 200գր շաքարավազ
- 20գր. ժելատին
- շոկոլադե գնդիկներ:
Պատրաստման եղանակը
Քայլ 1
Ժելատինը լցնել 200մլ. եռացած սառեցված ջրի մեջ, լավ խառնել և թողնել այդպես մեկ ժամ: Հետո ժելատինը դնել կրակին և վերցնել կրակից նախքան եռալը:
Քայլ 2
Սերուցքը լավ հարել շաքարավազի հետ, ավելացնել ժելատինը, լավ խառնել և բաժանել երկու մասի: Մի մասի հետ խառնել սուրճը, իսկ մյուսի հետ կաթը:
Քայլ 3
Վերցնել խորը բաժակը, սկզբում լցնել սրճային սերուցքը բաժակի կես չափով, այնուհետև դնել սառնարանում 1 ժամ, որ սառչի: Սառնարանից դուրս հանելուց հետո, վրան շարել շոկոլադե գնդիկներ, այնուհետև լցնել կաթնային սերուցքը, կրկին դնել սառնարանում, որ սառչի: Սառնարից դուրս հանելուց հետո նորից բաժակի մեջ շարել շոկոլադե գնդիկներ, զարդարել թարմ նանայով և մատուցել:
Մեկնաբանություններ
Դեռ հրապարակված մեկնաբանություն չկա։ Կարող եք թողնել առաջինը։