Տնական կոնֆետներ
Բաղադրությունը
- 200 գր. սև շոկոլադ,
- 3 ճգ. խտացրած կաթ,
- 1 ճգ. կարագ,
- 3 ճգ. մանրացված պեչենի,
- 2 ճգ. մանրացված սև սալոր,
- 3 ճգ. մանրացված ընկույզ,
- կոնյակ կամ լիկյոր:
Պատրաստման եղանակը
Քայլ 1
Շոկոլադը մանրացնել և կաթսայով դնել եռացող ջրի վրա: Երբ շոկոլադը հալչի ավելացնել կարագը և խտացրած կաթը ու լավ խառնել: Երբ զանգվածը միասեռ կդառնա, վերցնել կրակից, ավելացնել մնացած բոլոր բաղադրիչները:
Քայլ 2
Եթե ունեք ֆորմա խառնուրդը լցրեք ֆորմայի մեջ և դրեք սառնարանում, որպեսզի սառչի, իսկ եթե ոչ, կարող եք խառնուրդը դնել սառնարանում 30 րոպե, այնուհետև հանել գնդիկներ պատրաստել, զարդարել կոկոսի փաթիլներով, կամ մանրացված ընկույզով, կակաոով, ըստ ցանկության: Այս ամենից հետո նորից դրեք սառնարան, որպեսզի լավ սառչի:
Մեկնաբանություններ
Դեռ հրապարակված մեկնաբանություն չկա։ Կարող եք թողնել առաջինը։