Սմբուկով աղցան
Բաղադրությունը
- 3 հատ սմբուկ
- 0.5 բաժակ ընկույզ
- 1 պճեղ սխտոր
- 1 սոխ
- 200 գրամ թթվասեր կամ մայոնեզ
- աղ
- ձեթ
- սունելի
- սև պղպեղ
Պատրաստման եղանակը
Քայլ 1
3 հատ սմբուկը առանց կեղևը մաքրելու երկարությամբ կտրատել և դնել աղաջրի մեջ: Այն թողնել 15 րոպե և քամել ջրից: Այնուհետև սմբուկների շերտերը երկարությամբ բարակ-բարակ կտրատել: Թավան ձեթ լցնել և սմբուկները բարակ շերտով շարել ու բոլոր կողմերից լավ կարմրացնել: Այնուհետև քամել ձեթը և թողնել սառչի: Սոխը մանր կտրատել, տպակել ու ավելացնել սմբուկին: Հետո ավելացնել մանր կտրտած ընկուզը, սխտորը, աղ, պղպեղ, սունելի, լավ խառնել ու ավելացնել թթվասեր կամ մայոնեզ: Բարի ախորժակ:
Մեկնաբանություններ
Շատ լավն էր, փորձել եմ, դուք էլ սարքեք, ընտիրա: